“Fushatë denigruese ndaj Shqipërisë”/ Meloni falenderon qeverinë shqiptare për kampin në Shëngjin: BE të marrë shembull

Në një konferencë të përbashkët për mediat me kryeministrin Edi Rama nga Shëngjini, ku vizitoi qendrën pritesë të emigrantëve, që u arrit pas marrëveshjes mes dy vendeve, Meloni falenderoi qeverinë dhe popullin shqiptar për ndihmën e ofruar.

“Do doja të thosha që jam e lumtur që jam këtu, që pata rastin t’ju takoj, që Rama pati mundësinë të verifikonte nga afër situatën e punimeve që po realizohen në kuadër të marrëveshjes së nënshkruar. Do doja të thosha, ashtu si kundër pamë dhe dëgjuam nga Rama, se vendet tona janë dy vende mike, vende që historikisht kanë bashkëpunuar së bashku. Falënderoj sërish kryeministrin Rama dhe popullin shqiptar për ndihmën që na dhanë që ne të realizonim këtë marrëveshje, që shpresoj të jetë shembull për BE. S’më mbetet veçse të përsëris afërsinë e popullit italian me Ramën, për sulmet që i janë bërë. Kemi ndjekur një fushatë denigruese ndaj qeverisë shqiptare, kemi dëgjuar edhe etiketime sikur është narkoshtet, sepse nuk është hera e parë që qeveria shqiptare ofron ndihmë”.