“Threads” shton opsionin e mesazheve private!

Aplikacioni “Threads”  ka vendosur të mundësojë dërgimin e mesazheve direkte (DM) për të gjithë përdoruesit e rritur, pas një periudhe testimi.

Fillimisht, mesazhet mund të dërgohen vetëm te ata që ju ndjekin ose me ndjekës të përbashkët në Instagram.

E formimi i një grupi në biseda ende nuk është i mundur, por është në zhvillim.

Këto kufizime e bëjnë “Threads”-in ende të varur nga Instagrami, megjithatë përfaqësojnë një hap përpara krahasuar me përdorimin e inboxit të Instagramit për “Threads”.

Fillimisht, drejtuesit e Meta, përfshirë kreun e Instagramit Adam Mosseri, ishin kundër mesazheve direkte në “Threads”, por rritja e platformës – tashmë me mbi 350 milionë përdorues – ka shtyrë kompaninë të ndryshojë drejtim.

Meta po e pozicionon “Threads”  gjithnjë e më shumë si një alternativë ndaj X (ish-Twitter), duke i dhënë prioritet bisedave dhe përmbajtjes aktuale.

Me përditësimin e ri, “Threads” shton edhe funksionin “highlight” për të theksuar trendet në aplikacion.