Strategjia e re “Ascend 2030” sjell rezultate të rëndësishme, realizohen më shumë se 30 milionë euro investime

Beograd, 27 nëntor 2025 – Grupi Nelt, një nga sistemet më të suksesshme të biznesit në Evropën Juglindore në industrinë FMCG, i cili përfshin edhe Nelt Sh.p.k. në Shqipëri, parashikon të ardhura prej 1.5 miliardë euro në vitin 2025, që paraqet rritje prej 9% krahasuar me vitin 2024. Brenda ciklit strategjik “Ascend 2030”, nga gjithsej 400 milionë euro investime të planifikuara, më shumë se 30 milionë euro tashmë janë investuar në infrastrukturë logjistike, prodhim dhe digjitalizim, siç u njoftua sot në konferencën vjetore për shtyp të Grupit Nelt.

Mediave iu drejtuan Darko Lukić, Drejtor i Përgjithshëm Ekzekutiv i Grupit Nelt, Goran Cerovina, Nënkryetar për Tregjet Adria, Nenad Miščević, Nënkryetar për Tregun Serb, Sonja Todorova, Nënkryetare për Biznesin e Brandeve Nelt, dhe Bojana Mucić, Drejtoreshë Ekzekutive e Burimeve Njerëzore në Grupin Nelt.

“Pavarësisht sfidave të jashtme, në nivel Grupi kemi arritur rritje të të ardhurave të konsoliduara prej 9% krahasuar me vitin 2024. Në përputhje me strategjinë ‘Ascend 2030’, mbetemi të përkushtuar ndaj vizionit dhe misionit tonë – të krijojmë një ekosistem efikas dhe të qëndrueshëm që lidh njerëzit dhe brendet përmes ekselencës në shpërndarje, logjistikës së besueshme dhe ekspertizës në menaxhimin e brandeve,” tha Darko Lukić, Drejtor i Përgjithshëm Ekzekutiv i Grupit Nelt.

Investime në infrastrukturë dhe digjitalizim

Brenda strategjisë “Ascend 2030”, rreth 30 milionë euro investime janë realizuar këtë vit në zgjerimin dhe modernizimin e infrastrukturës së magazinimit dhe logjistikës, rritjen e kapaciteteve prodhuese dhe transformimin digjital të proceseve kyçe. Depo të reja moderne janë hapur në Shqipëri dhe Bosnjë e Hercegovinë, ndërsa ka nisur ndërtimi i një qendre të re biznesi dhe shpërndarjeje në Zambi. Linja të reja prodhimi janë instaluar në Baby Food Factory, duke mundësuar rritje kapacitetesh dhe zhvillim të mëtejshëm të portofolit.

Të gjitha njësitë e biznesit të Grupit shënojnë rritje të të ardhurave

• Nelt Adria (që përfshin edhe Nelt Sh.p.k. në Shqipëri): rritje të të ardhurave prej 16%, në mbi 400 milionë euro
• Nelt Serbia: rritje prej 7%, në më shumë se 1 miliard euro
• Nelt Africa: rritje prej 11%, në 60 milionë euro

Ky rezultat është arritur falë zgjerimit të portofolit, principalëve të rinj dhe partnerëve logjistikë, mes tyre JTI (Shqipëri), Beiersdorf (Zambia), Mondelez (Angola), Revlon (Serbi), Bambi (Maqedonia e Veriut) dhe të tjerë.

Lidership në kategori kyçe të brandeve

Kompanitë Baby Food Factory, Neoplanta dhe Chips Way shënuan rritje të të ardhurave kumulative prej 7% krahasuar me një vit më parë, si dhe rritje të pjesës së tregut, duke forcuar më tej pozicionet e tyre udhëheqëse në kategoritë ku operojnë. Inovacionet e portofolit, investimet në teknologji dhe menaxhimi i fortë i brandeve mbeten shtylla strategjike të zhvillimit të Grupit Nelt, së bashku me zgjerimin e mëtejshëm të kapaciteteve dhe hyrjen në kategori të reja.

Investime në njerëz: gjashtë milionë euro në rritje pagash

Në vitin 2025, Grupi Nelt investoi 6 milionë euro në rritje pagash, 1.5 milionë euro në përfitime për punonjësit, ndërsa më shumë se 5,500 orë iu kushtuan zhvillimit të lidershipit dhe rritjes së kompetencave. Përmes platformave digjitale inovative si SAP SuccessFactors dhe InfoNelt, punonjësit kanë akses më të thjeshtë në informacion, procese më efikase dhe komunikim të brendshëm më të shpejtë, duke ndikuar pozitivisht në motivimin e tyre .