Rikthehet Superiorja, çfarë rezervon java e 30-të

Kategoria Superiore rikthehet të premten pas pauzës së ekipeve Kombëtare. Kjo javë do të nisë menjëherë me një përballje të rëndësishme për mbijetesë. Flamurtari dhe Tirana do të përballen në stadiumin “Flamurtari”, në orën 19:00.

Të shtunën janë programuar tre takime, dy prej të cilave do të luhen në orën 17:00. Egnatia pret në shtëpi Bylisin, ndërsa në “Arenën e Demave” do të luhet supersfida Partizani-Vllaznia.

Dita e shtunë do të mbyllet me superduelin Dinamo-Elbasani, që do të luhet në orën 20:00 në “Air Albania”, ku të dyja skuadrat kanë si synim vetëm fitoren.

Ndeshja Vora – Teuta, është takimi i fundit i javës së 30-të, që do të zhvillohet në Vorë në orën 15:00.

JAVA 30

Flamurtari – Tirana  3 prill 2026, ora 19:00, stadiumi “Flamurtari”

Egnatia – Bylis, 4 prill 2026, ora 17:00, stadiumi “Arena Egnatia”

Partizani – Vllaznia, 4 prill 2026, ora 17:00, stadiumi “Arena e Demave”

Dinamo – Elbasani, 4 prill 2026, ora 20:00, stadiumi “Air Albania”

Vora – Teuta, 5 prill 2026, ora 15:00, stadiumi “KF Vora”