Ndërlikohet pista Kolo Muani, Juve hidhet në sulm për Zirkzee

Dëshira e madhe e Juves në këtë merkato dimri është Kolo Muani, por negociatat për të rikthyer francezin në Torino po ndërlikohen ndërsa koha është në disfavor të “Zonjës së Vjetër” pasi merkato mbyllet me 2 shkurt. Në kushte të tilla, Juve nuk dëshiron të rrezikojë për këtë arsye sipas TuttoSport, drejtuesit e bardhezinjë i janë rikthyer edhe një herë pistës Zirkzee, me sulmuesin holandez që nuk bën pjesë në planet e Man.United.

Një tjetër çështje shumë e nxehtë në Torino është edhe e ardhmja e Weston McKennie. Amerikani po kalon një moment fantastik me Spallettin në stol, për këtë arsye drejtuesit e Juves nuk kanë ndërmend ta lënë të lirë edhe pse McKennie është futur në vitin që i përfundon kontrata.