Rikthehen emocionet e Champions League

Mbrëmjen e sotme rikthehen emocionet e Ligës së Kampionëve. Dy përballje të fazës së 1/8-ave premtojnë vërtetë spektakël, pasi në fushë zbresin dy prej skuadrave kandidate për titullin kampion. Fituesi në fuqi i Ligës së Kampionëve, Manchester City sfidon Copenhagen në ndeshjen që pritet të zhvillohet ‘Parken Stadium’.

Një duel që vlen shumë për Kopenhagen, pasi është hera e dytë që kjo skuadër gjendet në këtë fazë të kompeticionit. Ajo që kërcënon Sitin është fakti se danezët ia dolën për tu kualifikuar në një grup me rival si Bayern Munich dhe Manchester United. Megjithëse përballja me kundërshtarët anglezë në këtë fazë nuk është një shenjë e mirë, pasi në vitin 2011 ishte Chelsea ajo që i eliminoi.

Në ndeshjen tjetër, ekipi më me shume trofe në Europë, Real Madrid do të luajë në “Red Bull Arena” ndaj Lajpzig. Gjermanët janë kthyer në këtë fazë me eliminim direkt. Gjigantët e La Liga janë të frymëzuar për të marrë një rezultat pozitiv dhe për të hedhur një hap të madh drejt çerekfinaleve të kompeticionit.