Pajisja që shfrytëzon energjinë diellore për ta krthyer në lëndë djegëse

Një pajisje e vogël rrethore e frymëzuar nga një gjethe mund të nxjerrë ujë nga ajri për të prodhuar një burim të pastër energjie, tregon një studim i ri.

“Nënshtresa transparente përçuese poroze” është një rreth i vogël me fije qelqi të ngjeshur, i veshur me një shtresë të hollë që thith dritën.

Kur pajisja është e ekspozuar ndaj dritës së diellit, ajo merr ujë nga ajri dhe prodhon gaz hidrogjeni, i cili potencialisht mund të përdoret si lëndë djegëse.

Gazi i hidrogjenit mund të nxirret dhe të ruhet në objekte të mëdha dhe të përdoret kur nevojitet, si për energjinë e makinave ose ngrohjen e shtëpive, thonë studiuesit.

Hulumtimi është kryer nga inxhinierë kimikë në Ecole Polytechnique Fédérale de Lausanne në Zvicër. Studiuesit thonë se sistemi funksionon në mjedise të lagështa ku ka një sasi të madhe avulli në ajrin përreth.