Julia Garner,do të jetë Madonna në filmin e jetës së mbretëreshës së pop-it!

Historia e jetës së mbretëreshës së muzikës pop, Madonna, do të shndërrohet në një
film biografik të realizuar nga studioja “Universal Pictures”.  Aktores 28-vjeçare Julia
Garner e cila njihet për portretizimin e Anna Delvy në serialin hit të Netflix, “Inventing Anna”,
i është ofruar roli protagonist. Por ajo ende nuk e ka pranuar përfshirjen
zyrtare në këtë projekt. “Ekipi i Julias është duke e konsideruar ofertën dhe pritet që ajo
ta pranojë rolin shumë shpejt”, ka deklaruar një burim për revistën “Variety”.

Në rast se ajo pranon të  portretizojë yllin e muzikes pop, atëherë aktorja  do të triumfojë  në mesin e disa emrave të njohur që kanë qenë pretendentë  për këtë rol, si
Florence Pugh, Bebe Rexha, Sky Ferreira, Emma Laird, Sydney Sweeney, Alexa Demie dhe Barbie Ferreira. Filmi është në realizim e sipër që  nga viti 2020.

Në një prononcim për media, Madonna, e cila konsiderohet  si artistja më fitimprurëse në historinë e muzikës me shitjen e më shumë se 300 milionë albumeve, deklaroi se është shumë e
rëndësishme për të që të ekranizojë jetën e saj plot aventura.