“Gjibraltari është Spanjë”, pezullohet Morata e Rodri, UEFA merr vendimin

UEFA ka përfunduar procedurat e saj disiplinore kundër Alvaro Morata dhe Rodrit. Dy lojtarët e Spanjës u dëgjuan teksa thirrën “Gjibraltari është Spanjë”, gjatë festës së kampionatit europian në Madrid, duke sjellë kështu reagimin e vendit modest.

Institucioni më i lartë i futbollit në Europë tregoi tolerancë zero pas ankesave të bëra nga Gjibraltari, duke pezulluar me nga një ndeshje Moratën dhe Rodrin.

Në vendimin zyrtar, arsyetohet kështu: “Gjithçka ka ardhur për moszbatim të parimeve të përgjithshme të sjelljes dhe për përdorimin e ngjarjeve sportive për manifestime të natyrës josportive”.

Në fakt, pritej një dënim më i rëndë, duke patur paraysh faktin se UEFA shpeshherë është treguar e ashpër në rastet kur sporti ngatërrohet me politikën. Spanja fitoi Europianin, në finalen e madhe të Berlinit, ndaj Anglisë.