Dua Lipa,së shpejti një koncert në Tiranë!

Së fundi, e përditshmja britanike  “The Guardian” publikoi një artikull të gjatë dhe promovues për turizmin e Shqipërisë.Duke e konsideruar vendin tone si një nga destinacionet që britanikët ia vlen të vizitojnë kete vit, gazeta britanike   shkroi ndër të tjera se  Tirana, do të jetë mikpritëse e koncerteve të artisteve shqiptare me famë botërore si Rita Ora dhe Dua Lipa. Kjo e fundit ka publikuar një video të shkurtër ku lajmëron ardhjen e saj per  një koncert ne kryeqytetin shqiptar.

 “Jam shumë e lumtur të jem pjesë e festës tuaj të madhe që do të zgjasë  gjithë vitin në Tiranë, Kryeqyteti Evropian i Rinisë. Tirana mban një vend special në zemrën time, jo vetëm prej rrënjëve të mia shqiptare, por gjithashtu dhe për atmosferën pozitive dhe energjinë e mrekullueshme. Tirana është si një shtëpi për mua dhe dua që e gjithë bota ta dijë. Kjo është një mundësi e mirë për t’i treguar Evropës talentin dhe potencialin e rinisë shqiptare. Paçi fat me organizimin e mbi 1000 aktiviteteve në Tiranë dhe jam e sigurt që secila prej tyre do jetë një sukses. Mezi pres të jem aty-thotë Dua ndër të tjera në video. 26-vjeçarja  ka mbajtur për herë të fundit koncert në Shqipëri në gushtin e vitit 2016-ës, ndërsa në Kosovë në gushtin e vitit 2018 – në kuadër të festivalit “Sunny Hill”.