“6 mld euro ndihmë për rajonin”, Varhelyi i vendos kushtin vendeve të Ballkanit Perëndimor: Nëse deri në 2027 nuk do jeni ende gati…

Komisioneri Varhelyi, në një konferencë të përbashkët me kryeministrin Edi Rama, tha se vendet e rajonit të Ballkanit Perëndimor do të marrin 6 mld euro ndihmë.

Ai tha se deri në 2027 rajoni do marrë të njëjtin intensitet ndihme

“Shumica e reformave kanë koston e tyre financiare, por jemi të gatshëm të zbusim koston ndaj udhëheqësit e KE kanë vendosur, 6 mld euro duhet të ndihmojnë rajonin. Kjo është sasia e fondeve që i jepen vendeve anëtare. Deri në 2027 rajoni do marrë të njëjtin intensitet ndihme. Pas 2027 do ishte e vështirë që rajoni të thoshte nuk jemi gati akoma. Në 10 vite rajoni duhet të dyfishojë ekonominë”, tha ai.

I pyetur në lidhje me atë që mund të presin rajoni dhe Shqipëria vitin e ardhshëm, komisioneri tha se BE pret që vendet të sjellin vetë ide në lidhje me atë që duhet të ndryshohet.

“Presim që rajoni të na sjellë ide se çfarë duan të ndodhë vitin e ardhshëm, ku janë pengesat për qeveritë dhe qytetarët, që të tregojmë ndryshime të prekshme për qytetarët.