Vazhdon drama e motrave Kardashian, Kourtney e quan Kim-in narciste!

Drama e “Dolce & Gabbana” nuk mbaron kurrë.

Kourtney Kardashian e quajti motrën Kim Kardashian një “narciste” pasi dyshja filluan një diskutim për vendimin e kësaj të fundit për të punuar me shtëpinë italiane të modës.

Gjatë premierës për sezonin e katërt të “Kardashians” të Hulu, themeluesja e “Skims” telefonoi motrën e saj më të madhe për t’i shpjeguar se ajo kishte ende detyrime kontraktuale me markën.

Kourtney – e cila ka qenë e zemëruar për marrëveshjen e motrës së saj me markën që kur ata stiluan të gjithë dasmën e saj me Travis Barker – përsëriti faktin se ajo nuk mendonte se “ishte bukur” mënyra se si u shpalos gjithçka.

Edhe pse të dyja i kishin zgjidhur mosmarrëveshjet në fund të sezonit të kaluar, të dyja ranë dakord që duke parë përsëri shfaqjen u rindezën grindjet.

Në fakt, Kourtney tha se e gjithë kjo e bëri atë “të mos dëshironte të ishte më pranë” familjes së saj.

Sidoqoftë, gjërat u përshkallëzuan shpejt pasi Kourtney pretendoi se Kim “pa” atë që ajo po bënte dhe “donte ta kishte” dhe “e mori dhe e bëri më të madhe”.

Megjithatë, Kim argumentoi se asaj as që i pëlqeu atmosfera e dasmës së Kourtney-t dhe e kritikoi dasmën si “jo dhe aq origjinale”.

Pas gridnjes mes tyre, Kourtney u largua nga pushimet familjare në Cabo dhe në vend të kësaj fluturoi në Palm Springs me Barker.