Ulen shpenzimet për ushqime/ Shqiptarët rritën shpenzimet për restorante e veshje

Një familje ka shpenzuar rreth 35 mijë lekë në muaj për të siguruar ushqimet e nevojshme për një muaj.Anketa e buxhetit të familjeve për vitin 2022 tregon se ky zë ka pësuar ulje me 1.6 %nëse e krahasojmë me një vit më parë dhe zë një peshë prej 39.7% të totalit të ardhurave në nëj familje.

Produktet kryesore të cilat blihen në masë nga një familje dhe që marin një peshë të konsiderueshme në buxhet janë “mish dhe nënprodukte, “bukë të ndjekura nga “qumësht me nënproduktet e tij dhe vezë” Sipas anketës së Instat shpenzimet në total për një familje janë rritur me 4.5% vitin e kaluar e ndikuar kjo direkt edhe nga inflacioni i cili preku nivelin rekord prej 8.3%.

Por pavarësisht se viti i kaluar konsiderohet i shtrenjtë vlen të theksohet se qytetarët shqiptarë kanë shpenzuar më shumë për argëtim siç është frekuentimi i restoranteve apo blerja e veshjeve.
Rritja prej 37,5 % e shpenzimeve për grupin “Restorante dhe hotele” në vitin 2022 ka ardhur si rezultat i shtimit të shpenzimeve për nëngrupet: “shërbime akomodimi në hotele/ brenda dhe jashtë vendit.

Për shkak të çmimeve rekord që arritën karburantet pas nisjes së konfliktit Rusi Ukrainë shpenzimet e familjeve shqiptare janë shtuar me rreth 16% krahasuar me vitin 2021.
Më shumë janë shpenzuar edhe për “Pije alkoolike dhe duhan” .

Në vitin 2022, qarku i Tiranës paraqet shpenzimet mesatare më të larta mujore për konsum mesatarisht 104.426 lekë në muaj e ndjekur nga Korça dhe Durrësi. Qarqet me nivel më të ulët të shpenzimeve mesatare mujore për konsum janë qarku i Dibrës dhe i Kukësit me rreth 73 mijë lekë në muaj.