Top 15 më të pasurit në SHBA: Kriza prek edhe listën e Forbes, kush humbi ndjeshëm pasurinë

28/09/2022

Pas një viti të vështirë, 400 njerëzit më të pasur në SHBA – së bashku me shumë amerikanë – janë goditur nga rritja e inflacionit dhe rënia e tregjeve. Lista Forbes 400 e këtij viti është 500 miliardë dollarë më e varfër sesa një vit më parë. Pasuria e tyre totale neto qëndron në 4 trilion dollarë, 11% më pak nga viti i kaluar.

Vlera minimale neto e nevojshme për të hyrë në listë gjithashtu ra, me 200 milionë dollarë, në 2.7 miliardë dollarë. Është hera e parë që nga Recesioni i Madh që njerëzit super të pasur të Amerikës nuk janë më të pasur se një vit më parë. Forbes llogariti vlerën neto duke përdorur vlerat e aksioneve nga 2 shtatori 2022.

Askush nuk është goditur më fort sesa manjatët amerikanë të teknologjisë, të cilët kanë humbur së bashku 315 miliardë dollarë, pasi çmimet e aksioneve të tyre kanë rënë në mënyrë drastike dhe fluksi i parave të kapitalit sipërmarrës është ngadalësuar. Gjithsej 41 persona ranë në renditje këtë vit, duke përfshirë Jerry Yang të Yahoo, RJ Scaringe të Rivian dhe, falë dimrit të kriptove, binjakët Winklevoss. Ndërkohë, Mark Zuckerberg, numri 3 i vitit të kaluar, doli nga top 10 për herë të parë që nga viti 2014. Ai është 76.8 miliardë dollarë më i varfër se një vit më parë, humbja më e madhe se kushdo në listën e vitit 2022.

Elon Musk kryeson Forbes 400 për herë të parë. Pavarësisht gjithë trazirave si në jetën e tij profesionale, ashtu edhe në atë personale, Musk vlerësohet se është 60.5 miliardë dollarë më i pasur këtë vit, falë një rritjeje prej 11% të aksioneve të Tesla-s dhe raundeve të reja të financimit për SpaceX. Ai rrëzon Jeff Bezos, tani numër 2, i cili u godit nga një rënie prej 27% në aksionet e Amazon. Bill Gates u ngjit me një pozicion, në vendin e tretë, pavarësisht se i dha 20 miliardë dollarë fondacionit të tij në fillim të këtij viti, kryesisht falë vitit të keq të Zuckerberg.

Top 15 amerikanët më të pasur për vitin 2022, si më poshtë: