Të luash “Duck, Duck, Goose”,për të hyrë në Guiness!

Mbi 2 mijë nxënës të tre   shkollave të mesme në Indiana të SHBA-së, u mblodhën për të tentuar të hynë në Librin e Rekordeve “Guiness”, nëpërmjët lojës “Duck, Duck, Goose”.

Loja zgjati rreth 16 minuta, në përputhje me rregullat e vendosura nga “Guiness”.

Zyrtarët e shkollës pretendojnë se nxënësit e kanë thyer rekordin, por kjo ende nuk është konfirmuar.

Rekordi i fundit u shënua në vitin 2011, nga nxënësit e një shkolle në Missouri.

“Duck, Duck, Goose”, është lojë e njohur ndërkombëtarisht, ku lojtarët duhet të mblidhen në formë të një rrethi, e një anëtar të sillet rreth tyre.

Në momentin kur anëtari e lëshon prapa shpindës së lojtarëve një send (zakonisht lodër të vogël), duhet të vrapojë që të mos kapet.