Surprizë! Johnny Depp do të shfaqet në MTV Video Awards më 28 gusht.

Johnny Depp pritet të bëjë një paraqitje surprizë në ceremoninë e radhës të çmimeve MTV Video Awards më 28 gusht.

Aktori ka qenë në bisedime me ekipin e prodhimit të serialit për t’u veshur si ‘Moonman’ – i quajtur së fundmi ‘Moonperson’.

Ai gjithashtu thuhet se do të ‘tregojë fytyrën’ në një moment gjatë transmetimit, i shoqëruar nga LL Cool J, Nicki Minaj dhe Jack Harlow,

Një çmim do t’i jepet Red Hot Chili Peppers, teksa me një çmim do të shpërblehet edhe Nicki Minaj.

Reperja e “Super Bass” do të performojë në ceremoni, së bashku me Lizzo, BLACKPINK, Maneskin, Anitta, J Balvin, Marshmello x Khalid.

Karriera e Depp është rikthyer gradualisht. Përveçse do të luajë në filmin  “La Favorite”  është  regjisor i  një filmi  për piktorin italian Amedeo Modigliani dhe do të prodhojë filmin së bashku me Al Pacinon dhe Barry Navidi. Ndërkohë mbajti koncerte me Jeff Beck dhe Hollywood Vampires dhe rinovoi kontratën me Dior si imazh i parfumit të kompanisë ” Sauvage”.