Studimi: Shqiptarët s’i zënë besë askujt!

Shqiptarët nuk i zënë besë askujt dhe janë populli më mosbesues ndaj personave të tjerë në Europë, sipas një studimi të publikuar së fundmi.

Deklaratës se “pjesës më të madhe të njerëzve mund t’i zihet besë”, shqiptarët i janë përgjigjur drastikisht në mënyrë negative, duke u renditur kështu të fundit.

Vendin e parë e ka zënë Danimarka më 74.1% duke vijuar më pas me Norvegjinë dhe Finlandën.

Shqipëria rezulton e fundit me besueshmërinë më të ulët në Europë ku vetëm 2.8% e popullsisë kanë thënë se mund t’i besojnë të tjerëve. Poshtë renditen edhe Greqia dhe Bosnje-Hercegovina.

Ajo që bie në sy nga studimi është se rajoni i Ballkanit ka rezultuar me përqindjen më të ulët të besueshmërisë ndërkohë veriu i Europës ka rezultuar me përqindjen më të lartë.