Sot dhe nesër priten vonesa dhe anulime fluturimesh. Shkak stërvitja e Air Defender

Autoriteti i Aviacionit Civil paralajmëron vonesa dhe anulime fluturimesh për sot dhe nesër, pra 12 – 13 qershor.

Shkak është “Air Defender 23”, stërvitja më e madhe në historinë e NATO-s.

Kjo stërvitje përfshin 25 Shtete mbi 10 000 trupa dhe 220 avionë.

“Eurocontrol (NM), Autoritetet e Aviacionit Civil (ACAA), Siguruesit e Shërbimit të Navigimit Ajror (Albcontrol) dhe Aeroportet (TIA), po punojnë intensivisht për minimizimin e këtij impakti”, shkruhet në njoftimin e Autoritetit të Aviacionit Civil.

Kjo është stërvitja më e madhe e këtij lloji që nga krijimi i aleancës ushtarake në vitin 1949.