Silvinjo: Çekët kanë një avantazh, por do bëjmë lojën tonë

Trajneri i Shqipërisë, Silvinjo, foli në konferencë për shtyp, në prag të ndeshjes që kuqezinjtë do të luajnë ndaj Çekisë, në Ligën e Kombeve.

Në fjalën e tij, tekniku i Kombëtares deklaroi se është një ndeshje shumë e rëndësishme dhe theksoi se në Grupin B1, mund të ndodhë gjithçka.

“Respekt shumë të madh për Ajetin. Bën gjithçka në fushë. Lojtar i shkëlqyer dhe jep gjithmonë maksimumin. Ndeshja e radhës është më e rëndësishme. Çekët kanë një avantazh, sepse kanë 1 pikë më shumë. Mund të ndodhë gjithçka në këtë grup. Duhet të japim 100% tonë në fushë. Ata kanë një pikë më shumë, por avantazhi jonë janë tifozët.

Është skuadra që kemi luajtur më shumë në dy vitet e fundit. Është një skuadër shumë e fortë dhe fizikisht shumë lart. Trajneri i tyre është shumë inteligjent, ka bërë 3-4 ndryshime herën e fundit. Kanë lojtarë fizikisht shumë të mirë. Në fushë do të futemi me lojën tonë, por duke luajtur me zemër dhe shpirt për një lojë të mirë”, tha Silvinjo.