Shiti piktura false, dënohet tregtari i artit

Një tregtar arti i Floridës jugore është dënuar me dy vjet e tre muaj burgim për shitjen e veprave të rremë të artit.

Daniel Eli Bouaziz, 69 vjeç, u dënua në gjykatën federale në Fort Pierce, sipas të dhënave të gjykatës. Ai u deklarua fajtor në shkurt për pastrim parash, ndërsa prokurorët ranë dakord të heqin 16 akuza të tjera në lidhje me mashtrimin dhe përvetësimin. Bouaziz u gjobit me 15,000 dollarë dhe seanca dëgjimore e kthimit është caktuar për 16 gusht.

Prokurorët thanë se Bouaziz, pronar i Danieli Fine Art dhe Galerie Danieli në Palm Beach County, i shiti veprat e artit të rreme një klienti në tetor 2021, duke përfshirë piktura që supozohet se janë krijuar nga Warhol. Ai gjithashtu shiti piktura të rreme nga Roy Lichtenstein, Keith Haring dhe Henri Matisse. Boisiz i tha klientit se pikturat, të cilat ai i shiti për çmime që varionin nga 75,000 deri në 240,000 dollarë, ishin autentike, origjinale dhe se disa ishin të nënshkruara nga vetë artistët.

Klienti i ka dhënë Bouzizit një paradhënie prej 200 mijë dollarësh, të cilat i janë depozituar në llogarinë e tij dhe më pas pjesa tjetër e parave është transferuar në llogari të tjera.

Veprat e artit ishin riprodhime të blera në ankande online.