Rusia, gati të rifillojë furnizimin me gaz në Evropë

Rusia është e përgatitur të rifillojë furnizimin me gaz në Evropë përmes tubacionit të gazit Yamal-Evropë, i cili më parë ishte ndalur për arsye politike. Zëvendëskryeministri rus Alexander Novak tha se deklaroi se ka rritje rritje të kërkesës për gaz nga Evropa, ndaj dhe po shikohet mundësia për të rifilluar furnizimet.

“Tregu europian mbetet i rëndësishëm, pasi mungesa e gazit vazhdon dhe ne kemi çdo mundësi për të rifilluar furnizimet. Për shembull, gazsjellësi Yamal-Evropë, i cili u ndalua për arsye politike, mbetet i papërdorur dhe ka një rritje të kërkesës për gaz nga Evropa. Sot mund të themi me bindje se ka një kërkesë për gazin tonë. Prandaj, ne vazhdojmë ta konsiderojmë Evropën si një treg potencial për shitjen e produkteve tona. Është e qartë se kundër nesh është nisur një fushatë në shkallë të gjerë, e cila përfundoi me akte sabotazhi kundër Nord Stream”, tha zëvendëskryeministri rus Alexander Novak.

Rusia ka qenë në një bllokim energjetik me Evropën që kur pushtoi Ukrainën në shkurt. Në maj, vetëm 44 orë pasi Ukraina reduktoi rrjedhën e gazit natyror nëpër territorin e saj në Evropë, duke fajësuar ndërhyrjen e trupave ruse, Gazprom ndaloi furnizimet përmes tubacionit Yamal-Europe që kalonte nëpër Poloni dhe ndaloi dërgimin e gazit për një shpërndarës në Gjermani. Gazprom u detyrua të pezullojë furnizimet për shkak të sanksioneve ndaj kompanisë së saj mëmë, EuRoPol GAZ.