Rolin e Michael Jackson në filmin e ri, do ta luajë dikush brenda familjes

Do të mbetet brenda familjes! Në filmin e ardhshëm biografik “Michael”, rolin e Michael Jackson do ta luajë nipi i tij.

Regjisori i filmit, Antoine Fuqua, njoftoi më 30 janar në Instagram se nipi i Mbretit të Popit, Jaafar Jackson, 26 vjeç, do të luajë rolin e legjendës e muzikës.

Fuqua postoi një foto të Jaafar Jackson, babai i të cilit është Jermaine Jackson, vëllai më i madh i Michael Jackson.

Nëna e Jaafar Jackson është Alejandra Oaziaza.

‘Krenar që shpall @jaafarjackson si Michael —filmi që eksploron udhëtimin e njeriut që u bë Mbreti i Popit. Së shpejti”, ka shkruar Fuqua në postimin e tij.

Jaafar Jackson në Instagramin e tij shkruan: “Jam i përulur dhe i nderuar që sjell në jetë historinë e xhaxhait tim Michael. Për të gjithë fansat, në të gjithë botën, do të shihemi së shpejti.”

Në një deklaratë për shtyp të hënën, Fuqua foli për aftësinë e Jaafar Jackson për të kanalizuar xhaxhain e tij të ndjerë.

“Është tepër emocionuese të shikosh Jaafar duke sjellë në jetë Michael. Kishte një lidhje të tillë shpirtërore kur takova për herë të parë Jaafar, i cili ka një aftësi të natyrshme për të imituar Michael dhe një kimi kaq të madhe me kamerën”, tha Fuqua.