Rita Ora vishet me “Nensi Dojaka”. Një dukje “Made In Albania” në mbrëmjen më të rëndësishme të modës britanike.

Ora u shfaq në  tapetin e  kuq edhe më intriguese duke i zbardhur vetullat, dhe me një grim unik dhe të guximshëm që e bënte të dukej si sirenë deti.

Ngaa ana tjetër, stilistja tashmë me famë botërore, Nensi Dojaka, ishte e nominuar për çmimin e fondacionit “BFC”, i cili ka për qëllim ta nderojë një stilist në zhvillim që gjatë 12 muajve të fundit ka pasur ndikim të madh krijues në modën globale.

Dojaka shquhet për koleksionet  unike  të veshjeve të realizuara ndër vite dhe bashkëpunimin me fytyra të njohura të modës.

Ajo u zhvendos në Londër kur ishte vetëm 17-vjeçare, për të ndjekur shkollën e modës dhe ëndrrën e saj për sukses.