Rama poston pamjet nga kantieri i poligonit për praktikën e lejes së drejtimit në Fushë-Prezë

Kryeministri Edi Rama ka ndarë mëngjesin e kësaj Marte pamje nga ndërtimet që po kryhen në kantierin e Poligonit të parë publik të testimit praktik për lejen e drejtimit në Fushë-Prezë.

Sipas Ramës, kjo qendër do të jetë një hapësirë për aktivitete të ndryshme për të rinjtë.

“Mirëmëngjes, dhe me punën që vijon në kantierin e Poligonit të parë publik të testimit praktik për Leje Drejtimi dhe Qendrës së parë Edukative Digjitale të Simulimeve Virtuale në Fushë-Prezë, Tiranë, ku një sipërfaqe rreth 6,000 m2 do të kthehet në hapësirë të teknologjisë, pikë takimi për aktivitete edukative për moshat e reja, stacion trajnimesh profesionale, si edhe do të shërbejë për Programe Edukative të Sigurisë Rrugore, orë Këndi Trafiku dhe Aktivitete Mësimore shtesë, ju uroj një ditë të mbarë”, shkruan kreu i qeverisë në Facebook.