Rama në QSUT: Nga 1 korriku, pagat do të rriten!

Kryeministri ditën e sotme inspektoi punimet në Spitalin Infektiv në QSUT, ku po investohet për rehabilitimin dhe zgjerimin e tij. Kreu i qeverisë i cili shoqërohej nga ministrja e Shëndetësisë Ogerta Manastirliu, në takimin me mjekët tha se nga 1 korriku rroga e tyre do të rritet, ndërsa shprehu perspektivën që pagat, të rriten çdo vit.

“I gjithë sistemi i sigurisë do të jetë i garantuar dhe besoj se nuk do të ketë më gjera të reja për të bërë veç mirëmbajtjes dhe rritjes së kapaciteteve. Tani do të rrisim edhe rrogat. Në 1 korrik fillon, duam ta rrisim deri në 40 % dhe besoj do ta bëjmë, e kemi të planifikuar. Çdo vit duam ta rrisim. Edhe rrogat të shkojnë paralelisht, me rritjen e investimeve”, tha Rama.