Pse ndërroi jetë Ray Liotta? Zbulohet pas një viti shkaku i vdekjes së aktorit!

Shkaku i vdekjes së aktorit amerikan Ray Liotta është zbuluar së fundmi një vit pas vdekjes së tij të papritur në moshën 67 vjeçare.

Aktori i njohur fillimisht për rolin në filmin “Goodfellas”  ishte duke xhiruar në Republikën Domenikane në kohën e vdekjes.

Tashmë sipas dokumenteve të para nga zyrtarët, të parë nga rrjeti TMZ, shkaku i vdekjes së tij është atak kardiak i shkaktuar nga lëngu në mushkëri, i njohur gjithashtu si edema pulmonare.

 Mjekët raportonin se aktori kishte gjithashtu  atheroskleroza, që është ngushtimi i arterieve, i cili shkakton rritje të mundësive të atakut kardiak dhe ishemisë.

Liotta, ishte duke xhiruar filmin ‘Dangerous Waters’, dhe raportohet se vdiq gjatë natës.

Aktori ka luajtur gjithashtu rolin e këngëtarit Frank Sinatra në filmin e vitit 1998 ‘The Rat Pack’, me të cilin mori çmimin e sindikates së aktorëve “Guild”.