Pjesëmarrësit, veshja, tema, gjithçka që duhet të dini për Met Gala!

Met Gala, një nga ngjarjet më të mëdha të modës u zhvillua në Nju Jork. Rreth 400 emra nga bota e muzikës, filmit, modës dhe sportit u bënë bashkë në paradën e kostumeve luksoze.

Yjet në të gjithë industritë, duke përfshirë televizion, film, politikë dhe sport nuk zhgënjyen, duke sjellë silueta të ekzagjeruara dhe aksesorë elegantë në Muzeun Metropolitan të Artit të hënën në mbrëmje.

Tema vazhdoi eksplorimin e stilit amerikan -Në Amerikë: Një Antologji e Modës”. Shumë prej pjesëmarrësve u frymëzuan nga Epoka e Artë, një epokë që pa Amerikën të transformuar në fund të shekullit të 19-të.

Zonja e Parë Jill Biden në një komunikim për gazetarët tha se:

“Është një histori inovacioni, rebelimi dhe rinovimi. Shpesh është shkruar nga ata që janë në hije, të cilët nuk njihen për ndikimin dhe artin e tyre, por këtu në Met tregohen historitë e tyre.”

Përpara tapetit të kuq të së hënës në mbrëmje, një nga stilistët kryesorë amerikanë, Tommy Hilfiger tha për CNN se kjo ngjarje u ofroi stilistëve një shans për të “shfaqur interpretimet e tyre unike të modës dhe kulturës pop. “Met Gala ka të bëjë me të paturit një mendje të hapur dhe të menduarit jashtë kornizave”, tha Hilfiger.

Ish-dizenjuesja e Yeezy, Maisie Schloss, e cila tani drejton labelin e saj me bazë në LA, Maisie Ëilen, tha se kombinimi i modës dhe mbledhjes së fondeve e bën atë një tapet të kuq “unik”.

Por përdoruesit e mediave sociale u tallën me zgjedhjen e temës ndërsa familjet amerikane të punës po luftojnë për të përballuar jetesën mes inflacionit më të lartë në katër dekada dhe një ekonomie që sapo u tkurr në tremujorin e fundit.

Një nga të pranishmit, aktori Riz Ahmed, mbërriti i veshur si një punëtor elegant. “Ky është një homazh për punëtorët emigrantë që e mbajtën të artë Epokën e Artë,” tha ai.

Mes të ftuarve ishte edhe ish-kandidatja për presidente Hillary Clinton, e cila tha se merrte pjesë për herë të parë në 20 vjet për të festuar modën dhe frymën amerikane.

Kjo ngjarje mbledh miliona dollarë për Institutin e Kostumeve të Muzeut Metropolitan të Artit, një muze i modës, dhjetëra mijëra ekspozita të të cilit janë të mbyllura për publikun e gjerë.

Çfarë është Met Gala?

Organizuar dhe kryesuar nga Anna Wintour që nga viti 1995, Met Gala është kthyer në një festë vjetore shumë të pëlqyer të modës. Met Gala mbledh fonde për Institutin e Kostumeve të Muzeut Metropolitan të Artit. Vit pas viti, kjo ngjarje mbledh shuma tetëshifrore.

Çfarë ndodh në Met Gala?

Me pak fjalë: është një sekret. Për këtë arsye, të ftuarit duhet t’i përmbahen rregullave, pa telefon. Ngjarja zakonisht përfshin një interpretues të profilit të lartë (si Rihanna ose Justin Bieber), dhe të ftuarit gjithmonë eksplorojnë ekspozitën përpara se të ulen së bashku për darkë. Këtë vit, përzgjedhja e kuzhinierëve të Met Gala u fokusua në tre gra që përfaqësojnë diversitetin e pasur të gatimit amerikan në vitin 2022: Amirah Kassem, Melissa King dhe Lauren Von Der Pool.

Ku mbahet Met Gala?

Met Gala zhvillohet në Muzeun Metropolitan të Artit në Neë York City të hënën e parë të majit të çdo viti (me përjashtim të ngjarjes së 2021, e cila u zhvillua në shtator për shkak të kufizimeve të Covid). Mysafirët që marrin pjesë në Met Gala zakonisht qëndrojnë në hotelet aty pranë./L.F-dritare.net