Piloti pëson arrest kardiak dhe vdes gjatë fluturimit

Piloti i një fluturimi të linjës “Latam Airlines”, që u nis nga Miami me destinacion Santiagon në Kili, u sëmur teksa avioni ishte në ajër dhe vdiq menjëherë pas kësaj.

Kapiteni u sëmur rreth një orë pasi avioni ishte nisur dhe u rrëzua në banjën e aeroplanit. Edhe pse iu dha ndihma e shpejtë, sërisht nuk mjaftoi për ta shpëtuar.

Bashkëpiloti, i cili duhej të bënte një ulje emergjente në qytetin e Panamasë, ka arritur ta ulë mrekullisht avionin në aeroportin ndërkombëtar Tocumen, në Panama.

“Ne jemi thellësisht të tronditur nga ajo që ndodhi dhe shprehim ngushëllimet tona të sinqerta për familjen e punonjësit tonë“, thuhet në një deklaratë të linjës ajrore.