Oscars 2025 bën njoftimin e papritur pas zjarreve në Los Angeles

Të paktën pesë persona kanë humbur jetën nga zjarret e mëdha dhe të nxitura nga erërat e forta në Los Angeles, SHBA, duke detyruar mijëra njerëz të largohen nga shtëpitë e tyre.

Numri i të vdekurve rrezikohet të rritet edhe më shumë, paralajmëroi sherifi në Los Anxhelos, Robert Luna, duke theksuar se situata mbetet “shumë e paqëndrueshme”.

Kjo situate alarmante ka ndikuar dhe në sektorë të tjerë si tek Oscars. Oscars bëri një njoftim të madh në vazhdën e zjarreve shkatërruese që kanë përfshirë Los Angeles, Kaliforni.

Ceremonia kryesore e ndarjes së çmimeve deklaroi se shpallja e nominimeve për Oscar për Çmimet e 97-ta të Akademisë, fillimisht e caktuar për 17 janar, është shtyrë për 19 janar.

Në lidhje me këtë, Critics Choice Awards u postua në X (i njohur zyrtarisht si Twitter), “Ceremonia e 30-të vjetore e Çmimeve të Critics Choice është shtyrë nga 12 janari në 26 janar për shkak të zjarreve katastrofike që kanë shkatërruar Kaliforninë Jugore”.