OKB miraton kërkesën e Turqisë për ndryshimin e emrit

OKB ka miratuar mbrëmë kërkesën e Turqisë për ndryshimin e emrit në Türkiye, ka konfirmuar zëdhënësi i Sekretarit të Përgjithshëm të OKB-së.

Kërkesa zyrtare për ndryshimin e emrit u dërgua nga ministri i Jashtëm turk, Mevlut Cavusoglu. Sipas mediave turke, nga tani emri Türkiye do të përdoret në të gjitha forumet ndërkombëtare dhe dokumentet zyrtare.

Procesi për ndryshimin e emërtimit jashtë Turqisë nisi vitin e kaluar, me presidentin Erdogan që tha se kjo bëhet për të “përfaqësuar dhe shprehur kulturën, civilizimin dhe vlerat e kombit turk në mënyrën më të mirë të mundshme”.