OBSH: 1 në 6 njerëz në mbarë botën preken nga infertiliteti

Për miliona çifte në mbarë botën, ngjizja e një fëmije mund të jetë jashtëzakonisht e vështirë, kur shpresat për të krijuar një familje shuhen nga testet negative të shtatzënisë njëri pas tjetrit.

Rreth një në gjashtë njerëz në mbarë botën përballen me infertilitet në një moment të jetës së tyre, sipas një raporti të ri nga Organizata Botërore e Shëndetësisë (OBSH), i cili tregon se asnjë kontinent nuk është më mirë.

“Kjo është një çështje globale që prek njerëzit në të gjitha vendet dhe në të gjitha sferat e jetës”, tha Dr Gitau Mburu, një shkencëtar i fertilitetit në OBSH.

Agjencia shëndetësore e përkufizon infertilitetin si “një sëmundje e sistemit riprodhues të mashkullit apo femrës e përcaktuar nga dështimi për të arritur një shtatzëni pas 12 muajsh ose më shumë të marrëdhënieve të rregullta seksuale të pambrojtura”.

Vlerësimet e mëparshme sugjerojnë se 48 milionë çifte dhe 186 milionë njerëz jetojnë me infertilitet në mbarë botën. OBSH nuk i përditësoi këto vlerësime në raportin e saj.