Nis shpërndarja e mbi 20 mijë librave artistikë për bibliotekat shkollore në të gjithë vendin

Ka nisur shpërndarja e mbi 20 mijë librave artistikë për bibliotekat shkollore në të gjithë vendin.

Përmes një postimi në rrjetet sociale, kryeministri Edi Rama thotë se kjo vjen në kuadër të programit të Ministrisë së Arsimit dhe Sportit për nxitjen e dashurisë për leximin tek nxënësit.

Rama ndau pamje të shpërndarjes së librave në shkollën “Ardian Klosi” në kryeqytet.

“Mirëmëngjes në këtë prag festash, ku nuk ka dhuratë më të bukur sesa libri, nga shkolla “Ardian Klosi”, nisim shpërndarjen e mbi 20 mijë librave artistikë për bibliotekat shkollore në të gjithë vendin, në kuadër të programit të Ministrisë së Arsimit dhe Sportit për nxitjen e dashurisë për leximin tek nxënësit, ju uroj një javë të mbarë”, shkruan Rama në Facebook.