Nis protesta për vdekjen e 7-vjeçares, qytetarët para Ministrisë së Brendshme

Qytetarët të shumtë janë mbledhur para godinës së Ministrisë së Brendshme, për të protestuar për ngjarjen e rëndë të ndodhur dy ditë më parë në plazhin e Potamit në Himarë, ku një 7-vjeçare u përplas për vdekje nga një skaf.

Qytetarët janë shprehur të revoltuar në lidhje me këtë ngjarje, teksa disa kanë marrë edhe fëmijët për të protestuar, pasi sipas tyre, kjo protestë bëhet për to.

Tubimi është njoftuar në rrjetet sociale, ndërkohë që dhe politikanë të opozitës kanë paralajmëruar pjesëmarrjen në këtë aktivitet.

Më 2 gusht, shtetasi Arjan Tase përplasi për vdekje një 7-vjeçare, teksa kryente manovra të rrezikshme me skaf.

Tase, ishte efektiv policie dhe u përjashtua nga rradhët e policisë nga Drejtori i Përgjithshëm, Gledis Nano.

Ditën e sotme, Prokuroria e Vlorës ka rrëzuar të gjithë hetimin e bërë nga Agjensia për Mbikqyrjen Policore për Arjan Tasen, për të cilin ngriti akuzën e vrasjes nga pakujdesia.