Ndërron jetë aktori legjendar i “Harry Potter”!

Aktori ikonë i Hollywood-it Michael Gambon, i njohur si Albus Dumbledore në filmat e ‘Harry Poter’, ka ndërruar jetë në moshën 82 vjeçare.

Sipas mediave të huaja bëhet me dije se aktori ka ndërruar jetë në spital, pas një lufte të gjatë me pneumoninë, një inflamacion të mushkërive.

Në një deklaratë në emër të gruas së tij Lady Gambon dhe djalit Fergus Gambon, e lëshuar nga publicisti Clair Dobbs, shkruhej: “Jemi të shkatërruar për të njoftuar humbjen e Michael Gambon. Burri dhe babai i dashur, Michael vdiq në paqe në spital me gruan e tij Anne dhe djalin Fergus pranë shtratit të tij, pas një periudhe pneumonie. Michael ishte 82 vjeç”.

Gambon e nisi karrierën e tij si një nga anëtarët origjinalë të Teatrit Kombëtar Mbretëror në Londër dhe vazhdoi të luajë në një numër dramash të Shakespeare- it.

Aktori gjithashtu ishte i njohur për punët e tij në televizion, film dhe radio.