Mediat ndërkombëtare shkruajnë për Alkent Pozhegun, realizoi mozaik me drithëra të figurës së Mbretëreshës

Artisti Alkent Pozhegu njihet për stilin e tij te veçantë, i cili arrin që të krijojë vepra arti përmes drithërave, shkruan KultPlus.

Së fundmi, Pozhegu ka arritur që të krijojë një mozaik të Mbretëreshës Elizabeth II, e cila vdiq ditë më parë.

Për punën e tij të palodhshme dhe magjike, mediat ndërkombëtare kanë shkruar për të.

Televizioni francez “EuroNews” ka realizuar një kronikë televizive, duke shfaqur punën dhe talentin e Pozhegut.

Edhe një televizion tjetër, ABC, nga Mbretëria e Bashkuar ka realizuar një storie për Alkent Pozhegun, i cili deri tani veçse mban 3 rekorde botërore.

Ndërkaq, kjo nuk është hera e parë që ai po shfaqet nëpër media ndërkombëtare, pasi një gjë të tillë e ka bërë me vite.