Mbretëresha Elizabeth II feston 96- vjetorin e saj

Ditën e sotme Mbretëresha Elizabeth II feston 96- vjetorin e saj. Kështjella Windsor ka publikuar me këtë rast një foto të saj mes dy kuajve “ponies” në ngjyrë të bardhë.

Muajt e fundit Elizabeth II i ka rralluar daljet publike për shkak të problemeve me shëndetin, megjithatë data e sotme solli një tjetër foto të saj.

Elizabeth ishte fëmija i parë i Dukës dhe Dukeshës së Jorkut. Ajo u shkollua privatisht në shtëpi dhe filloi të merrte detyra publike gjatë Luftës së dytë Botërore. Në nëntor të 1947 ajo u martua me Philip Mountbatten dhe martesa e tyre zgjati 73 vjet deri në vdekjen e tij në vitin 2021./revistawho.com