Mbahet Kongresi i parë i Shëndetësisë në Shqipëri

Nga e diela e 5 Marsit deri më 7 Mars zhvillohet kongresi i parë i Shëndetësisë. Është kryeministri Edi Rama, ai i cili fton të gjithë ndjekësit në rrjetet e tij sociale që të ndjekin kongresin që mbahet në Tiranë.

Ai shprehet se aty do të mblidhen ekspertë vendas dhe të huaj për të ndarë historitë e suksesit dhe për të debatuar sfidat e sistemit shëndetësor.

“Dhe me ftesën për të ndjekur përmes mediave e rrjeteve sociale, Kongresin e Parë të Shëndetësisë, i cili mbahet në Tiranë e do të mbledhë së bashku ekspertë vendas e ndërkombëtarë, në një forum të përbashkët, për të ndarë historitë e suksesit, diskutuar përvojat dhe debatuar sfidat e sistemit shëndetësor, për një shërbim më cilësor e gjithëpërfshirës, ju uroj një javë të mbarë”, shkroi Rama në Facebook.