Kape radion!

Klonim i suksesshëm i lopëve në Kinë

02/02/2023

Cute Cows

Shkencëtarët kinezë kanë klonuar me sukses tri “super lopë” që mund të prodhojnë një sasi jashtëzakonisht të lartë qumështi. Media shtetërore e raportoi këtë duke e cilësuar këtë si një përparim për industrinë e qumështit të Kinës për të reduktuar varësinë e saj nga racat e importuara.

Tre viçat kanë lindur në rajonin Ningxia në javët para Vitit të Ri Hënor, më 23 janar. Ata u klonuan nga lopë shumë produktive nga raca Holstein Friesian, e cila e kishte origjinën në Holandë. Kafshët e zgjedhura janë të afta të prodhojnë 18 tonë qumësht në vit, ose 100 tonë qumësht gjatë jetës së tyre.

Shkencëtarët bënë 120 embrione të klonuara nga qelizat e veshit të lopëve shumë produktive dhe i vendosën në lopë zëvendësuese.

Vetëm pesë në 10.000 lopë në Kinë mund të prodhojnë 100 tonë qumësht gjatë jetës së tyre, duke i bërë ato një burim të vlefshëm për mbarështim, ndërsa rreth 70% e lopëve qumështore të Kinës importohen nga jashtë.

Cows talk to each other, including about food: study

Kina ka bërë përparim të rëndësishëm në klonimin e kafshëve vitet e fundit. Vitin e kaluar, një kompani kineze e klonimit të kafshëve krijoi ujkun e parë të klonuar të Arktikut në botë.

Në vitin 2017, shkencëtarët kinezë thanë se ata prodhuan bagëti të klonuara me rezistencë të shtuar ndaj tuberkulozit të gjedhit, një rrezik për bagëtinë në shumë vende.

Written by: Sasha Ndreka