Kush e ka vizituar profilin tuaj në “TikTok”,e zbuloni me disa hapa të thjeshtë

“TikTok” ka qindra miliona përdorues te cilet  shtohen çdo ditë. Më herët nuk ka pasur ndonjë mënyrë për të treguar se kur dikush ndjek profilin tuaj në TikTok. Por një veçori e re tani e bën të mundur.Veçoria e “Historisë së Shikimit të Profilit” krijon një listë të përdoruesve që kanë vizituar profilin tuaj në 30 ditët e fundit. Çështja qëndron se ajo liston vetëm përdoruesit që gjithashtu e kanë të aktivizuar “Historinë e Shikimit të Profilit”.Kjo do të thotë që kur aktivizoni funksionin, do t’ju bëjë të dukshëm në listat e historikut të përdoruesve të tjerë. Është një rrugë me dy drejtime – nëse mund të shihni se kush po shikon profilin tuaj, përdoruesit e tjerë do t’ju shohin edhe ju.

Hapni llogarinë në “TikTok”, dhe shkoni tek  faqja e profilit tuaj dhe shtypni në këndin e poshtëm djathtas.Prekni ikonën e syrit lart-djathtas, më pas zgjidhni Aktivizo (Turn on).Do t’iu shfaqet një listë e të gjithë atyre që kanë parë profilin tuaj në 30 ditët e fundit. Nga kjo faqe, mund të prekni emrat e përdoruesve për të parë profilet e tyre ose thjesht shtypni lehtë mbi “Ndjek”.Nëse ndonjëherë dëshironi ta ç’aktivizoni këtë veçori, hapeni sërish këtë listë dhe më pas prekni ikonën e ingranazhit në këndin e sipërm djathtas.