Kultivimi i grurit në vend, nga 1 shtatori hapen aplikimet për fermerët

Nga 1 shtatori hapet skema për mbështetjen e kultivimit të grurit për fermerët. Kreu i grupit parlamentar socialist Taulant Balla deklaron se Qeveria mbështet kultivimin e grurit vendas. Aplikimet hapen më 1 shtator për të përfunduar më 23 shtator për të gjithë fermerët individual, persona fizikë, juridik, Shoqata të Bashkëpunimit Bujqësor që duan të jenë përfitues për masën mbështetëse 7/1.

“Mirëmëngjes

dhe me lajmin e mirë të hapjes së thirrjes për mbështetjen e kultivimit të grurit në vend, duke filluar nga data 1 shtator ju uroj një javë të mbarë. ✅ Aplikimet kryhen online në e-Albania. ✅ Mbështetja për kultivimin e grurit, për sipërfaqe të mbjellë është për jo më pak se 1 HA, në vlerë 30.000 lekë/HA. Përfitues për masën mbështetëse 7/1 mund të jenë fermerë individual, persona fizik, juridik, Shoqata të Bashkëpunimit Bujqësor. Aplikimi do të bëhet online nga data 01.09.2022 ora 08:00 deri në datën 23.09.2022 ora 22:00”, shkruan Balla në rrjetin social Facebook.