Ku ndodhen disa nga muzetë më të bukur egjiptianë në botë?

Kultura egjiptiane magjeps shoqërinë tonë si pak të tjerë. Faraonët, sfinksat, piramidat, hieroglifët. Të gjitha këto na bëjnë të ëndërrojmë dhe na kthejnë në një kohë që në imagjinatën tonë ka mitiken dhe misteriozen. Ushtria e Napoleonit të fillimit të viteve 1800 sollën në Evropë një numër të pallogaritshëm veprash arti të të gjitha llojeve, të ekspozuara në muzetë në mbarë botën. Por ku është përqendrimi më i madh i veprave egjiptiane të ekspozuara në publik?

Muzeu i Kajros (Egjipt)- Muzeu i Kajros përmban një koleksion gjithëpërfshirës së objekteve të Egjiptit të Lashtë në botë. Ndër shumë objekte të mrekullueshme, gjenden dy statuja kolosale tetë metra të larta të faraonit të lashtë egjiptian të Dinastisë së 18-të Amenhotep III (1391-1353 pes), babai i Amenhotep IV ose Akhenaton dhe që besohet të jetë gjyshi i Tutankhamon  dhe bashkëshortja e tij Mbretëresha Tiye.

Muzeu i Torinos (Itali)- Muzeu më i vjetër në botë i dedikuar tërësisht Egjiptit të Lashtë dhe më i rëndësishmi pas atij në Kajro.

Muzeu Britanik – Londër (Mbretëria e Bashkuar)- Ndoshta artefakti më i rëndësishëm në të gjithë botën egjiptiane ruhet në Londër, pikërisht Guri i Rozetës, një gur i gdhendur me tekst në tre gjuhë të ndryshme dhe që bëri të mundur deshifrimin e shkrimit hieroglifik.

Muzeu i Arteve të Bukura – Boston (Shtetet e Bashkuara të Amerikës)- Një nga muzetë më të mëdhenj dhe më të rëndësishëm në të gjithë Shtetet e Bashkuara mban figura të rëndësishme të Egjiptit të Lashtë siç janë Mbreti Menkaura (Mycerinus) dhe Mbretëresha (Mbretëria e Vjetër, Dinastia 4), 2490-2472 pes (Tempulli i Luginës së Menkaura, Giza, Egjipt).

Muzeu Agyptisches und Papyrussammlun – Berlin (Gjermani)- Është pjesë e Muzeut Neues në ishullin muze në Berlin.

Louvre – Paris (Francë)- Luvri është padyshim një nga muzetë më të famshëm në botë, por ndoshta shumë njerëz nuk e dinë se ai ka gjithashtu një koleksion të mrekullueshëm të artefakteve egjiptiane siç është Sfinksi i Madh i Tanis, një nga sfingat më të mëdha jashtë Egjiptit.

Petrie Muzeu i Arkeologjisë Egjiptiane – Londër (Mbretëria e Bashkuar)- Muzeu përmban më shumë se 80,000 artefakte vetëm në botën egjiptiane. Koleksioni i figurinave të mbledhura nga varret e lashta egjiptiane dhe që besohet se janë në gjendje të kryejnë me magji punë fizike në jetën e përtejme në emër të të ndjerit.