Kreu i AMA-s zgjidhet Nënkryetare e Enteve Rregullatore Europiane

Drejtuesja e AMA-s, Armela Krasniqi është zgjedhur Nënkryetare e Platformës Europiane të Enteve Rregullatore, kjo është hera e parë që Shqipëria arrin në nivele të tilla drejtuese.

Në mbledhjen e 59-të që po zhvillohet në Roterdam të Holandës, Krasniqi mori mbështetjen e shumicës së 52 autoriteteve anëtarë të EPRA-s, të pranishëm në këtë mbledhje. Armela Krasniqi kishte përballë për këtë post kandidaten e rregullatorit audioviziv të Britanisë së Madhe.

Pas marrjes së postit si Nënkryetare e Platformës Europiane të Enteve Rregullatore, Krasniqi u shpreh se vota e saj do t’i shërbejë në përkushtimin profesional dhe kontributin e plotë gjatë ushtrimit të kësaj detyre.