Kartolina e paplotë për fundvit, Princi Harry dhe princesha Meghan nuk përfshijnë në foto fëmijët

Teksa festat e fundvitit po afrohen, familja mbretërore vijon traditën për të uruar qytetarët përmes një kartoline tradicionale. Është princi Harry dhe Princesha Meghan që kanë ndarë urimin e tyre për këtë vit, teksa fotoja familjare nuk është e plotë, pasi mungojnë dy të vegjlit, djali 3 vjec dhe e vogla Lilibet.

Princ Harry dhe Meghan Markle publikuan kartolinën e tyre vjetore për festat e fundvitit 2022. kartolina ishte e shoqëruar me një fotot bardh e zi të ciftit, e cila u shkrep gjatë “Robert F. Kennedy Ripple of Hope Award” në fillim të këtij muaji në New York.

Në të shkruhej: “Ju urojmë një sezon të gëzueshëm pushimesh. Nga familja jonë tek e juaja dhe në emër të ekipeve tona në The Archewell Foundation, Archeëell Audio dhe Archeëell Productions, ju dëshirojmë shëndet, paqe dhe një vit të ri shumë të lumtur.”

Megjithatë në kartolinën e fundvitit u vu re mungesa e dy personave shumë të rëndësishëm të familjes, të vegjlit djali Archie 3 vjeç, dhe vajza, Lilibet, 1 vjeç.

Mendohet se ky vendim i ciftit për të mos i përfshirë demijët në kartolinën e urimit lidhet me arsyet e ruajtjes së privatësisë së tyre.

Vitin e kaluar, Meghan dhe Princi Harry treguan për herë të parë foton e Lilibet ne kartën e tyre të pushimeve.

Publikimi i një kartoline për fundvit nga familja mbretërore është kthyer në një traditë.

Karta e këtij viti vjen një ditë pasi u publikua vëllimi i dytë i dokumentarëve të çiftit në Netflix, Harry & Meghan.