Je virgjëreshë në horoskop? Jennifer Lopez nuk të pranon në trupën e saj të baletit!

Aktorja, Heather Morris, ka pohuar se këngëtarja, aktorja dhe valltarja, Jennifer Lopez, dikur eliminoi një grup balerinësh nga një audicion vetëm sepse shenja e tyre astrologjike ishte “Virgjëresha”.Gjatë episodit  të “Just Sayin” në podcastin e Justin Martindale, aktorja 35-vjeçare kujtoi një përvojë ku ajo ishte në audicion për të kërcyer për Lopezin në një nga turnetë e saj.

“Ajo erdhi në pjesën e fundit të audicionit duke i pëlqyer t’i shihte kërcimtarët që kishin mbetur. Unë nuk isha atje, po siç kanë treguar, kur Lopezi ka hyrë në sallën ku mbahej audicioni, ka kërkuar nga ata që të tregojnë me ngritje dore nëse është ndonjëri “Virgjëreshë” në horoskop.

Morris vazhdoi të pretendonte se Lopezi përfundimisht i dërgoi ata në shtëpi, duke thënë: “Lopezi i pëshpëriti asistentes së saj, ajo i shikoi ata dhe tha: “Faleminderit shumë që erdhët.”