J.Lo fiton “Generation Award” “Dua të falenderoj ata që më thyen zemrën!

Gjatë ndarjes së çmimeve MTV Film & TV , Jennifer Lopez u
nderua me “Generation Award” (çmimi i gjeneratës i cili nderon aktorët, kontributet e
larmishme të të cilëve si në film ashtu edhe në televizion i kanë kthyer ata në emra të
njohur. Aktorja dhe këngëtarja e filloi fjalimin e saj të pranimit të çmimit duke iu referuar
roleve kryesore të filmave të saj më të mëdhenj.

“Dua të falënderoj të gjithë njerëzit që më dhanë këtë jetë. Dua të falënderoj njerëzit që më dhanë gëzim dhe ata që më thyen zemrën,” tha Lopez. “Ata që ishin të vërtetë dhe ata që më gënjyen. Dua të falënderoj dashurinë e vërtetë dhe dua të falënderoj mënyrën se si gënjeva veten sepse kështu e dija që duhej të rritesha”, tha
ajo. Lopez ka një karrierë filmike që përfshin dekada. Disa nga rolet e saj më të paharrueshme
janë si legjenda e muzikës  në  filmin “Selena’ të vitit 1997, “Hustlers” të 2019- ës , si dhe disa
komedi romantike gjatë viteve, duke përfshirë “The Wedding Planner”, “Maid In Mahhattan” dhe
së fundmi “Marry Me”.