Ikën një “Goodfella”, shuhet aktori Ray Liotta

Një humbje e trishtë dhe e parakohshme në botën e filmit,është ikja e aktorit Ray Liotta,në moshën  67-vjeçare.

Ray Liotta, aktori i njohur ndër të tjera për rolin e tij protagonist në filmin “Goodfellas”, ka ndërruar jetë  në gjumë.

Liotta ndodhej aktualisht në Republikën Domenikane ku po xhironte filmin “Dangerous Waters”.

Liotta mori famë botërore me filmin e vitit 1990 “Goodfellas” me regji të Martin Scorsese, një ngjarje e bazuar mbi historinë e vërtetë të mafiozit njujorkez Henry Hill, ku luajti përkrah të Robert De Niro dhe Joe Pesci.

Aktori me origjinë italiano-skoceze ishte bashkë me të fejuarën në Republikën Dominikane.

Sipas autoriteteve, vdekja e tij ka ardhur për shkaqe natyrale.