“Halftime” jeta dhe karriera e Jennifer Lopez më 8 qershor në Netflix

Është publikuar traileri i dokumentarit të ri të Jennifer Lopez, “Halftime”, i cili vjen i
realizuar nga platforma Netflix. Projekti i shumëpritur pritet të debutojë më 8 qershor në
kuadër të Festivalit të filmit në Tribeca, para se të nisë të transmetohet në platformën e
famshme digjitale Netflix më 14 qershor. Dokumentari “Halftime” fokusohet tek
superylli  ndërkombëtar që ka frymëzuar njerëzit për dekada me këmbënguljen,
krijimtarinë e shkëlqyer dhe kontributet e saj kulturore.

Ai  ofron një vështrim  intim  pas  skenave që   zbulojnë seriozitetin dhe vendosmërinë që e bëjnë Jennifer
Lopez,  ikonën që ajo është  nga performancat e saj në ekran, në skena anembanë
botës, në ceremoninë e fundit inauguruese presidenciale, e deri te performanca ikonike
në finalen e Kampionatit të Futbollit Amerikan, “Super Bowl”.