Hailey Bieber,hidhet në gjyq për markën kozmetike që sapo prezantoi “RHODE”

Modelja Hailey Bieber prezantoi markën e saj te kujdesit  për lëkurën  dhe mori shumë levdata,por  edhe një akuzë mbi përdorimin e emrit.

Kompania e modës, “RHODE”, me themeluese Purna Khatau dhe Phoebe Vickers hodhën në gjyq Hailey Bieber për përdorimin e emrit në linjën e saj të përkujdesjes së lëkurës.

Dyshja  i ka  firmosur dokumentet dhe ka nisur  procesin  gjyqësor në New York.

Khatau dhe Vickers u shprehën se kompania ka punuar shumë për të ngritur emrin dhe për të mbajtur një reputacion të mirënjohur, duke marrë parasysh që është një markë e preferuar nga Beyonce, Rihanna dhe Mindy Kaling, ndaj presin që gjatë këtij viti, të dëmshpërblehen me plot 14.5 milionë $.

Bieber e prezantoi markën e saj këtë muaj, ndaj themeluesit e “RHODE” (markës së modës), pretendojnë se përdorimi i emrit të kompanisë së tyre shkakton konfuzion në treg. Ato kane  shtuar  edhe se tashmë marka e tyre është prekur negativisht.

Ato shtuan se Hailey ishte në dijeni të plotë të markës së tyre, pasi para 4 vitesh ishte munduar që të blinte të drejtat për të përdorur emrin e kompanisë, por themelueset nuk e pranuan kërkesën e saj.