Gjuha shqipe përfshihet si lëndë me zgjedhje Universitetin e Harvardit

Për herë të parë gjuha shqipe është përfshirë si lëndë me zgjedhje në universitetin e Harvardit.

Sipas Faton Limani, i cili punon si administrator departamenti në këtë universitet, lënda e gjuhës shqipe do të ofrohet gjatë tërë vitit në tre nivele: njohuri fillestare (elementary), njohuri bazike (intermediary) dhe niveli i avancuar (advanced) në Departamentin e Letërsisë Krahasuese.

“Sot kam kënaqësinë të ndaj me ju një lajm shumë të gëzueshëm sa i përket gjuhës sonë shqipe. Në bashkëpunim me bashkëkombasen dhe kolegen Eva Stathi – Misho kemi arritur që të fusim lëndën e gjuhës shqipe si lëndë zgjedhore për herë të parë në Universitetin e Harvardit për të gjithë studentët e të gjitha niveleve.Lënda e gjuhës shqipe do të ofrohet gjatë tërë vitit në tre nivele – njohuri fillestare (elementary), njohuri bazike (intermediary) dhe niveli i avancuar (advanced) në Departamentin e Letërsisë Krahasuese”, tha në Facebook Limani.