Gjermani, Boris Pistorius tërhiqet nga kandidimi për kancelar

Ministri gjerman i Mbrojtjes Boris Pistorius ka shuar spekulimet duke deklaruar se nuk do të kandidojë për postin e kancelarit të Gjermanisë.

“Ky është vendimi im sovran dhe personal dhe vetëm i imi.  Unë e kam theksuar këtë vazhdimisht në javët e fundit dhe po e them përsëri sa më qartë që të jetë e mundur: Ne kemi Olaf Scholz një kancelar të shkëlqyer. Ai drejtoi një koalicion që do të kishte qenë sfidues në kohë normale mes krizës ndoshta më të madhe të dekadave të fundit.”

Pistorius, 64 vjeç, tha se thashethemet rreth kandidaturës së tij të mundshme në javët e fundit kishin shkaktuar rritje të pasigurisë në parti, dhe gjithashtu acarim mes votuesve.

“Kjo e dëmton partinë time, në të cilën unë jam anëtar për 48 vjet. Unë nuk e kam nisur këtë debat, nuk e kam dashur. Tani është përgjegjësia jonë kolektive për t’i dhënë fund këtij debati.”